VOV4.Êđê - Aguah 27/12, ti Hà Nội mkŏ mjing klei bi kƀĭn kreh knhâo lu ala čar online hŏng akŏ “Bruă klam mơ̆ng dhar kreh, anak mnuih hŏng klei bruă mlih mrâo leh anăn mđĭ kyar ti Việt Nam leh anăn Lao. Hlăm klei bi kƀĭn, phung bi ala bi trông kơ dŭm bruă klă klơ̆ng bi mklă bruă klam mơ̆ng dhar kreh, anak mnuih hŏng hdră mlih mrâo leh anăn mđĭ kyar bruă duh mkra ti Việt Nam leh anăn Lao hlăm dŭm pluh thŭn êgao; Dhar kreh hlăm bruă mkŏ mjing knhuah hdĭp, boh nik hŏng phung mda asei; Dhar kreh hlăm bruă mjing mnuih mă bruă hnơ̆ng jăk djŏ guôp hŏng bruă tuh tia mkra mjing mrâo mrâo lăn čar.

Mbĭt anăn bi mklă bruă klam mơ̆ng dhar kreh, anak mnuih hlăm hdră mđĭ kyar hơĭt kjăp ala čar, anak mnuih hlăm bruă mjing wăl anôk hdĭp mda, mă bruă ala ƀuôn hŏng ênoh yuôm anak mnuih, đĭ kyar. Bruă klam mơ̆ng dhar kreh, anak mnuih hlăm bruă kriê dlăng ala čar, kriê dlăng ala ƀuôn; gang mkhư̆ leh anăn msưh kdŭn boh klei ƀơ̆ng ngăn, luč liê mang; lăm lui dŭm klei mĭn soh čhuai; đru mguôp răng mgang tur hnơ̆ng răng mgang klei mĭn mơ̆ng Đảng leh anăn yang ƀuôn ngă phŭn hlăm boh klei ară anei.

H’Zawut pô mblang