VOV4.Êđê - Hlăm klei kƀĭn êpul hgŭm IAPA tal 42, tlam mbruê, mâo leh klei kƀĭn phung khua êmua mniê, bi trông kơ bruă mtrŭt mđĭ ba jao klei dưi bruă duh mkra kơ phung mniê mgi dih leh găn klei ruă tưp lehanăn bruă ngă hŏng kdrăp mrô lehanăn bruă ngăn prăk kluôm ênŭm. Hlăm klei kƀĭn trông anăn, khua kiă kriê phung khua êmua mniê IAPA mñă ktang kơ klei mtăp mđơr êkei mniê, mâo 30% phung mniê hlăm alŭ wăl ASEAN dôk tuôm hŏng klei dleh dlan lehanăn knŏng mă dŭm mta bruă hlăm pưk sang. Klei ruă tưp lŏ ngă kơ phung mniê awăt êdu hĭn, klei ruă tưp Covid-19 bi hmar leh bruă bi mlih mrô lehanăn kdrăp čŏng ngă bruă, klei anei lŏ ngă klei dleh dlan hĭn kơ phung mniê. Kyuanăn, êpul bi ala Brunei - ala čar ngă phŭn IAPA tal 42 mâo leh hdră mkăp bi klă bruă ba jao klei dưi bruă duh mkra kơ phung mniê mgi dih leh găn klei ruă tưp lehanăn bruă mă hlăm kdrăp mrô lehanăn ngăn prăk kluôm ênŭm, kñăm bi hrŏ klei amâo mtăp mđơr êklei mniê.

Y Ƀel pô mblang