Leh knăm drông, dua khua gĭt gai bi trông. Khua bruă kƀĭn ala Trần Thanh Mẫn hơ̆k mơak drông leh anăn mñă klă, gưl nao čhưn klă sĭt ti ala tač êngao tal êlâo mơ̆ng Sonexay Siphandone hlăm bruă ngă Khua bruă kƀĭn ala Lào srăng đru mđĭ klei đăo knang kđi čar, mđĭ klei bi hgŭm plah wah dua anôk bruă čih mkra hdră bhiăn leh anăn mđĭ klei bi hgŭm prŏng, bi hgŭm yuôm bhăn, bi hgŭm kluôm, mguôp hŏng hdră bruă Việt Nam - Lào.

Mñă klă klei bi hgŭm bruă kƀĭn ala jing sa kmeh gơ̆ng yuôm bhăn hlăm klei bi hgŭm Việt Nam - Lào, đru mguôp klă klơ̆ng dŭm hdră êlan, tă hdră leh anăn kuôl kă mơ̆ng khua gĭt gai gưl dlông dua đảng, dua ala čar, dua khua gĭt gai bi tŭ ư lŏ dơ̆ng mđĭ klei bi hgŭm dua Bruă kƀĭn ala; mđĭ bi trông klei thâo mkŏ mjing, bi leh hdră bhiăn, mkŏ mjing êpul mă bruă knŭk kna, ngă bruă mơ̆ng bruă sang čư̆ êa alŭ wăl, ăt msĕ mơh bruă ksiêm dlăng bruă hlue ngă klei kuôl kă gưl dlông leh anăn dŭm hdră bruă phŭn plah wah dua ala čar.