Hrue mbrue 14/5, ti anôk bi kƀĭn truăn kơ bruă, Êpul gơ̆ng bruă ƀuôn sang čar Khánh Hòa mâo bi mklă leh lu hdră mtrŭn yuôm bhăn kơ klei mđĭ kyar bruă duh mkra ala ƀuôn. Năng mđing jing, čar Khánh Hoà mâo bi mklă leh hdră êlan mkra êlan dơ̆ng pral Nha Trang – Đà Lạt hlue hŏng hdră knŭk kna lehanăn êngao knŭk kna bi hgŭm (PPP). Tui si hdră mtrŭn, Êpul gơ̆ng bruă ƀuôn sang čar, jao leh kơ knơ̆ng bruă sang čư̆ êa čar Khánh Hòa jing anôk mâo klei dưi mkŏ mjing hlue ngă mta čuăn ară anei.

Čar Khánh Hòa srăng bi liê hlăm brô 1.500 êklai prăk mơ̆ng hdră duh bi liê knŭk kna wưng thŭn 2026–2030 pioh kơ bruă čiu hnô, ruh mgaih anôk ala, đru mkŏ mkra anôk dôk mrâo kơ mnuih ƀuôn sang. Hdră mkra êlan dơ̆ng pral Nha Trang – Đà Lạt (tui si tĭng ênoh prăk bi liê jih jang 25 êbâo êklai prăk), jing yuôm bhăn snăk kơ klei mkŏ bruă mđĭ kyar plah wah čar Khánh Hòa lehanăn čar Lâm Đồng. Êlan anei srăng lŏ jing êlan mkŏ krĭng lăn dap kngư hŏng alŭ wăl ktue hang ksĭ kwar dhŭng, dưi mkŏ kdrŭn ksĭ, anôk duh mkra phŭn lehanăn dŭm anôk hiu čhưn ênguê./.