Čar Daklak hlăk dôk mdơ̆ng 3 boh sang hră knŭk kna čiêm rông mlir gưl ti dŭm boh ƀuôn hgŭm hlăm knông lăn Ia R’vê, Ia Lốp lehanăn Buôn Đôn hŏng ênoh bi liê jih jang 390 êklai prăk, pioh kơ giăm 3.300 čô phung hđeh hriăm hră gưl sa, lehanăn gưl 2 hriăm. Dŭm boh sang hră anei srăng ba yua mơ̆ng mlan 8 thŭn anei.

Võ Văn Lợi, K’iăng khua kiă kriê anôk bruă rŭ mdơ̆ng čar Daklak brei thâo, pô duh bi liê hlăk dôk ksiêm duah dŭm klei ktrâo atăt mơ̆ng phŭn bruă rŭ mdơ̆ng čiăng kăp kčĕ ruh mgaih klei dleh dlan kơ phung rŭ mdơ̆ng. Khădah tuôm hŏng lu klei dleh dlan, kyua yan adiê, mnơ̆ng rŭ mdơ̆ng, lehanăn mnuih mă bruă, êpul êya kiă kriê bruă rŭ mdơ̆ng dôk gĭr ruh mgaih jih klei dleh dlan, čiăng kơ bruă rŭ mdơ̆ng dưi pral mâo bi leh dưi ba yua pral dŭm boh sang hră knŭk kna čiêm rông, djŏ ti wưng phung hđeh krĭng knông lăn mŭt hriăm./.