Hơ̆k mơak mâo bi tuôm hŏng phung đội viên kdlưn hĭn, Khua gĭt gai Tô Lâm lŏ bi hdơr mâo hŏng anei 85 thŭn, hlăm klei dleh dlan mơ̆ng cách mạng, Đội Thiếu niên Tiền phong Hồ Chí Minh mâo mkŏ mjing, jing leh anôk khăp mpŭ mơ̆ng phung hđeh  Việt Nam, mâo lu gru bi hmô hlăm klei bi blah msĕ si Kim Đồng, Lê Văn Tám, Kpă-Kơlơng lehanăn lu phung hđeh jhŏng ktang mkăn, mjing leh ai tiê “thŭn điêt klei mĭn prŏng”.

Khua gĭt gai Tô Lâm mñă 5 mta klei Awa Hồ mtô jing leh klei tŭ dưn yuôm bhăn pioh kơ phung hđeh tui hriăm, lehanăn đĭ hriê kơ prŏng. Tă êlan truh kơ thŭn  2045, bi hdơr 100 thŭn hrue mkŏ mjing lăn čar, Việt Nam jing ala čar mâo hnơ̆ng hrui wĭt đĭ, Khua gĭt gai mtă kơ phung hđeh ară anei srăng truh thŭn đru mguôp prŏng hĭn, lŏ dơ̆ng mkŏ mjing, răng mgang lehanăn bi mđĭ kyar lăn čar./.