Hruê 14/5, ti Anôk bruă Đảng gưl dlông, Anôk gĭt gai Hdră ksiêm wĭt 100 thŭn Đảng gĭt gai cách mạng Việt Nam, tă hdră êlan gĭt gai, mđĭ kyar lăn čar hlăm 100 thŭn ti anăp lehanăn ksiêm wĭt 40 thŭn hluê ngă Asăp bhiăn mkŏ mkra Ala čar hlăm ênuk gưl đĭ kơ hdră êlan yang ƀuôn ngă phŭn êngiê mkŏ mjing leh Klei bi kƀĭn tal sa. Gĭt gai Klei bi kƀĭn, Khua Khua gĭt gai Đảng, Khua lăn čar Tô Lâm  mñă, ksiêm wĭt 100 thŭn Đảng gĭt gai, 40 thŭn hluê ngă Asăp bhiăn brei mâo klei thâo êlam kơ hƀuê ênuk, thâo hlak mblang lehanăn mâo klei mĭn mjing mrâo kơ êdei anăp.

Khua gĭt gai Đảng, Khua lăn čar lač klă, brei bi mklă hĭn ru hmô mđĭ kyar mơ̆ng Việt Nam, gru hmô hdră êlan yang ƀuôn lehanăn ktuê êlan nao truh yang ƀuôn ngă phŭn êngiê mơ̆ng Việt Nam mbĭt hŏng dŭm klei bi mjĕ prŏng hlăm hdră mkŏ mkra hdră êlan yang ƀuôn ngă phŭn êngiê; bi mklă hdră hlak mblang čiăng mjing tur knơ̆ng čiăng mkŏ mkra Asăp bhiăn mđĭ kyar ala čar lehanăn răng mgang Ala čar hlăm ênuk gưl mrô – ênuk gưl kpưn đĭ mơ̆ng djuê ana. Khua gĭt gai Đảng, Khua lăn čar Tô Lâm mñă kơ 3 mta klei djŏ tuôm kơ hdră msir kluôm, hlăm anăn brei bi mguôp kjăp klei hlak mblang hŏng boh sĭt, ba mdah kơ êdei anăp brei hluê ngă kjăp hdră kreh knhâo, đăo knăl klei mâo lehanăn klei čiăng đĭ kyar mơ̆ng ala čar./.