Blŭ hlăm klei kƀĭn, Khua kiă bruă Đảng dŭm anôk bruă gưl dlông Nguyễn Văn Thể lač klă, phung bi kdơ̆ng, soh čhuai, mă klei găl bruă kđi čar ară anei lŏ dơ̆ng mâo lu mta bruă bi kdơ̆ng hŏng Đảng leh anăn knŭk kna. Hlăm wưng kơ anăp, lŏ dơ̆ng mkŏ mjing dŭm klei kƀĭn bruă kđi čar kơ mta phŭn klei čih “Ktang phĭt, gĭr ktưn bi kdơ̆ng, gang mkhư̆ klei ƀơ̆ng ngăn, klei amâo mâo jăk, đru mkŏ mjing Đảng leh anăn knŭk kna drei ƀrư̆ hruê ƀrư̆ ênuah ênô, kjăp ktang” mơ̆ng Khua gĭt gai Đảng Nguyễn Phú Trọng.

Ktang phĭt bi kdơ̆ng, gang mkhư̆ klei hưn soh čhuai. Mbĭt hŏng anăn, bruă Đảng dŭm anôk bruă hlăm êpul mđĭ hĭn klei ksiêm dlăng, ktuê dlăng boh sĭt yang ƀuôn, čiăng čŏng bi mguôp hŏng dŭm anôk bruă djŏ tuôm kñăm gang mkhư̆ dŭm klei čih, klei hưn soh čhuai mđung hlăm mbah hla pŏk yang ƀuôn bi kdơ̆ng hŏng Đảng, knŭk kna.