GRDP 6 mlan akŏ thŭn mơ̆ng čar Dak Lak mâo 7.84%, Hlăm 12 hnơ̆ng čuăn phŭn, mrâo mâo 5 hnơ̆ng čuăn djăp hdră kčah. Klei dôk kpăk hlăm klei đĭ kyar ară anei mơ̆ng Dak Lak kƀĭn lu hlăm bruă mkŏ mkra leh anăn hdră bruă. Truh hruê 10/7, kluôm čar bi liê êbeh 2.900 êklai prăk, mâo hlăm brô 30% hdră kčah prăk bi liê jao.

Čiăng bi leh mta kñăm đĭ kyar 10% kơ dlông, 6 mlan knhal jih thŭn, GRDP mơ̆ng čar Dak Lak brei bi knar, hlăm anăn anôk bruă tuh tia mkra mjing brei jing boh kdrŭt phŭn. Đỗ Hữu Huy, Khua anôk bruă sang čư̆ êa čar Dak Lak mtă kơ grăp dhar bruă, grăp alŭ wăl brei lŏ ksiêm dlăng hdră đĭ kyar, mđing msir mghaih jih klei gun kpăk, čih anăn hnơ̆ng čuăn hluê ngă grăp gưl mjing ngă tur knơ̆ng tĭng dlăng boh tŭ hluê si hdră KPI.