Hdră bruă ‘Adei khăp kơ ala čar Việt Nam’ jing bruă ngă klă sĭt hâo hưn, mtô mblang kơ phung đội viên, hđeh điêt ƀuôn prŏng Hồ Chí Minh kơ klei hdĭp, bruă cách mạng prŏng prĭn mơ̆ng Khua gĭt gai Hồ Chí Minh, hƀuê ênuk, knhuah gru kdrưh kơăm mơ̆ng Êpul phung hđeh ba anăp Hồ Chí Minh,dŭm gru mngač đội viên êdah êdi. Blŭ hrăm hlăm mmông bi tuôm, kiăng Khua lăn čar Võ Thị Ánh Xuân čang hmăng phung đội viên, phung hđeh êdah êdi mâo sa hdră êlan êđăp ênang, tŭ dưn leh anăn lu boh tŭ yuôm, čiăng kơ grăp knhuang nao găn srăng đru kơ phung čô anak thâo êlam hĭn kơ hƀuê ênuk djuê ana, bi mbŏ klei khăp kơ ƀuôn sang, lăn čar, mjut mjing klei ktưn leh anăn klei thâo săng bruă klam hŏng Lăn čar Việt Nam.

K’iăng Khua lăn čar mñă klă, Đảng leh anăn Knŭk kna mđing dlăng nanao kơ phung hđeh, mjing klei găl čiăng kơ grăp čô hđeh dưi hriăm, mjuăt bi hriăm, đĭ kyar hlăm wăl anôk êđăp ênang, jăk leh anăn mđĭ lar jăk hĭn klei dưi pô.Kiăng khua lăn čar čang hmăng kơ dŭm gưl bruă đảng, bruă sang čư̆ êa, bruă Mặt trận čar kwar, dŭm êpul bruă kđi čar–yang ƀuôn, bruă sang hră mơar, êpul êdam êra leh anăn êpul hđeh ba anăp Hồ Chí Minh lŏ dơ̆ng mđing hĭn kơ bruă răng mgang, dlăng kriê leh anăn mjuăt bi hriăm phung hđeh.