Mkra mlih hdră čuăl mkă, mđing duh bi liê dua ktuê êlan êran pral găn Dak Lak êlâo kơ thŭn 2030
Thứ sáu, 08:35, 17/07/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Hưn mthâo ti anôk bi kƀĭn hŏng phung čih klei mrâo aguah mbruê (16/7), Knơ̆ng bruă sang čư̆ êa čar Dak Lak brei thâo, hluê si Hdră mtrŭn 1088 mơ̆ng Phŭn bruă rŭ mdơ̆ng, êlan dơ̆ng êran pral Pleiku - Ƀuôn Ama Thuôt - Gia Nghĩa hŏng boh taih êbeh 260 km dưi mkra hdră duh bi liê ngă bruă êlan kơ thŭn 2030.
Hdră mâo ênoh bi liê mĭn tĭng hlăm brô 70.000 êklai prăk. Ăt Hlue si klei bi klă mrô 1088, êlan dơ̆ng êran pral Phú Yên -Dak Lak dưi bi mlih hdră êlan bi liê êlâo kơ thŭn 2030. Hluê si klei čuăl mkă, wưng tal 1 taih hlăm brô 122 km, mkŏ mơ̆ng kdrŭn Bãi Gốc (Phú Yên hđăp) truh ti Ƀuôn Hô (Dak Lak); wưng tal 2 lŏ dơ̆ng bi kdung mơ̆ng Ƀuôn Hồ truh ti krĭng knông lăn Việt Nam - Campuchia.
Bruă dua ktuê êlan êran pral găn čar Dak Lak dưi mđing pŏk ngă êlâo kơ thŭn 2030 jing knhuang yuôm bhăn, pŏk wăl đĭ kyar mrâo lehanăn mđĭ hdră bi hgŭm kơ čar Dak Lak mđĭ lar klei găl leh bi mŭt./.
Viết bình luận