Lu bruă ngă hdơr knga leh anăn tla ai ti Nghệ An leh anăn Hà Tĩnh
Thứ sáu, 09:37, 17/07/2026
VOV Tây Nguyên
VOV Tây Nguyên
VOV.Êđê- Ti Nghệ An leh anăn Hà Tĩnh, Trần Cẩm Tú, Khua hlăm Phŭn bruă kđi čar, Khua hlăm Bruă Đảng ngă khua êpul mă bruă gưl dlông nao hlăm bruă ngă hdơr knga leh anăn tla ai ƀri gưl bi hdơr 79 thŭn Hruê phung kahan êka êkeh êngiă asei (27/7).
Ti Anôk bruă mdrao kơ phung kahan êka êkeh Nghệ An, Trần Cẩm Tú nao čuă êmuh leh anăn mđup brei mnơ̆ng kơ 83 čô kahan êka êkeh, kahan ruă duam; 18 gŏ sang phung mâo bruă tŭ dưn mơ̆ng 2 čar Nghệ An leh anăn Hà Tĩnh. Bi ala kơ Khua gĭt gai Đảng, Knŭk kna, Trần Cẩm Tú mơĭt klei êmuh hrăm, klei hdơr knga êlam snăk leh anăn klei khăp mpŭ hĭn kơ phung kahan êka êkeh, găp djuê phung mâo ai hŏng lăn čar dôk dưi kriê dlăng, rông ba, mdrao mgŭn tinei.
Ti Hà Tĩnh, Trần Cẩm Tú leh anăn êpul ngă bruă nao myơr mnga, brui mngưi ti Wăl knhuah gru Ngã 3 Đồng Lộc, anôk pluh čô mniê ba anăp Tiểu đội 4, Đại đội 552 săn asei mlei djiê leh klei mplĕ ƀom ktang phĭt mơ̆ng roh. Digơ̆ dliê leh hlăk thŭn dôk mda, čih leh sa klei jhŏng ktang dôk lă lar mơ̆ng djuê ana.
Viết bình luận