Kluôm čar Dak Lak ară anei mâo 787 anôk đih đăm, hiu čhưn hŏng giăm 14.400 adŭ dôk, 51 anôk bruă atăt tuê hiu čhưn lehanăn hlăm brô 28.100 čô mnuih mă bruă hlăm anôk bruă hiu čhưn ênguê. Hlăm 6 mlan akŏ thŭn, Dak Lak drông êbeh 5,3 êklăk čô tuê hiu čhưn, ênoh hrui wĭt mâo 9.600 êklai prăk, đĭ giăm 38% mkă hŏng thŭn êlâo.

Ti anôk mă bruă, Êpul ksieme dlăng mơ̆ng Êpul gơ̆ng bruă ƀuôn sang čar Dak Lak mtă kơ Knơ̆ng bruă Dhar kreh, mjuăt ktang asei mlei lehanăn hiu čhưn ênguê lŏ dơ̆ng bi hgŭm hŏng dŭm knơ̆ng, dhar bruă, alŭ wăl mđĭ hdră ksiêm dlăng hdră mă bruă hiu čhưn ênguê, mtrŭt mđĭ hdră bi mlih mrô, mđĭ hnơ̆ng tŭ jăk hdră bruă, bi leh dŭm klei kčah mtrŭn mơ̆ng hdră bhiăn djŏ tuôm kñăm mjing klei găl kơ hdră hiu čhưn ênguê alŭ wăl đĭ kyar hơĭt kjăp./.