Dak Lak hưn mdah Êpul hgŭm mtrŭt mjhar bruă mnia blei leh anăn Duh bi liê
Thứ sáu, 09:14, 26/06/2026
VOV Tây Nguyên
VOV Tây Nguyên
VOV.Êđê- Tlam 25/6, ti ƀuôn hgŭm Tuy Hoà, Êpul hgŭm mđĭ kyar bruă mnia blei leh anăn bi liê čar Dak Lak klă sĭt hưn mdah, kruăk knăl knhuang đĭ kyar yuôm bhăn hlăm bruă mkŏ êpul êya anôk bruă duh mkra, phung bi liê leh anăn phung ƀĭng hgŭm hlăm ala čar leh anăn ala tač êngao, đru mđĭ bruă mnia blei, bi liê leh anăn mđĭ kyar bruă duh mkra hơĭt kjăp ti čar.
Êpul hgŭm mđĭ kyar bruă mnia blei leh anăn bi liê čar Dak Lak wưng 2026 – 2031 mâo 232 čô jing khua gĭt gai dŭm anôk bruă duh mkra ngă bruă hlăm lu bruă msĕ si mkra mjing lŏ hma, dliê kmrơ̆ng, kan hdang; logistics; hiu čhưn ênguê; hdră bruă, kdrăp hâo hưn; bruă mkra mjing pui kmlă; mkra mjing kdrăp mnơ̆ng; tă kčoh; mkra mjing kyâo; hbâo pruê.
Leh knăm pŏk ngă, Êpul hgŭm mkŏ mjing leh Klei bi kƀĭn tal I. Trần Quốc Hà, Khua Knơ̆ng bruă Việt Thắng, mâo ruah ngă Khua Êpul hgŭm.
Viết bình luận