Dak Lak hưn mthâo hdră êlan, klei bhiăn lăn čar kơ klei đăo kơ phung djăp bruă klei đăo Khop
Thứ sáu, 09:04, 10/07/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Aguah mbruê 9/7, ti ƀuôn hgŭm Ƀuôn Ama Thuô̆t, čar Dak Lak, Êpul bruă klei đăo Knŭk kna (Phŭn bruă djuê ana leh anăn klei đăo) mkŏ mjing klei kƀĭn trông hâo hưn, hlăk mblang hdră êlan, hdră bhiăn klei đăo.
Nao hlăm klei kƀĭn trông mâo 250 čô bi ala jing knuă druh ngă bruă klei đăo, phung linh mục, phung djă bruă leh anăn phung đru bruă mơ̆ng krĭng đăo Ƀuôn Ama Thuô̆t leh anăn krĭng đăo Quy Nhơn. Phung bi ala dưi hmư̆ dŭm hdră êlan mơ̆ng Đảng, Knŭk kna, dŭm mta mrâo mơ̆ng hdră bhiăn Klei đăo thŭn 2026, klei mjĕ giăm plah wah Knŭk kna Việt Nam leh anăn Sang yang Vatican, bruă klam mơ̆ng Đăo Khop Việt Nam hlăm bruă mkŏ mjing klei bi mguôp djuê ana.
Hluê si Nguyễn Tiến Trọng, k’iăng khua êpul bruă Klei đăo Knŭk kna, Hdră bhiăn klei đăo thŭn 2026 dưi ba yua mơ̆ng hruê 1/1/2027. Bruă kah mbha klei čuăn mrâo đru mđĭ boh tŭ klei bi mguôp plah wah Knŭk kna leh anăn dŭm êpul bruă klei đăo êjai ngă hdră êlan.
Viết bình luận