Anei jing mta phŭn dưi mñă ktang hlăm klei kƀĭn bi klă boh sĭt bruă duh mkra ala ƀuôn mlan 10 leh anăn 10 mlan thŭn 2026 mrâo mâo Bruă sang čư̆ êa čar Dak Lak mkŏ mjing. Hlăm 10 mlan, hnư hrui wĭt mơ̆ng bruă hiu čhưn ênguê mơ̆ng čar mâo êbeh 17.800 êklai prăk, êgao hdră kčah thŭn. Čar kñăm msir êbeh 280 hdră êmưt, mâo giăm 71%.

Ƀiădah, hnư Knŭk kna hrui wĭt đăo tĭng mrâo mâo mă 14.320 êklai prăk, luč hlăm brô 390 êklai prăk. Khua Bruă sang čư̆ êa čar Dak Lak mñă kơ dŭm knơ̆ng, dhar bruă, alŭ wăl ksiêm dlăng grăp ênoh čuăn ka mâo, bi klă anôk kƀah leh anăn hdră êlan bi mbŏ,  ksiêm dlăng hnơ̆ng ngă bruă grăp hdră hluê hruê kăm, ba jao ngăn prăk mơ̆ng dŭm hdră amâo mâo ai dưi duh bi liê kơ dŭm hdră dưi ngă jăk, gĭr amâo bfrei dŭm bruă klam adôk kƀah mơ̆ng mlan 10 kƀĭn truh mlan 12.