Hlăm anăn, dua hdră ti êlan dơ̆ng Phạm Văn Đồng, ƀuôn hgŭm Sông Cầu sui leh truh 4 thŭn, ênoh bruă knŏng mâo mă 30%. 3 hdră wăl anôk mnuih ƀuôn sang Đồng Bàu Neo, alŭ 3 leh anăn Hoà Lợi adôk gŭn kpăk anôk ala, ênoh bruă knŏng mâo mă 23%, 3% leh anăn 15%.

Hdră mkra mđĭ, pŏk phai êlan ĐH.31 ăt êmưt hŏng hdră kčah, ênoh bruă leh ngă mâo 45%. Gĭt gai mmông mă bruă, k’iăng khua Bruă sang čư̆ êa čar Đào Mỹ mñă kơ dŭm alŭ wăl ktang phĭt ruh mgaih anôk ala, phung duh bi liê leh anăn phung ngă bruă čŏng bi mguôp, ruh mgaih klei dleh dlan, ngă djŏ hdră bhiăn lăn čar. Phung duh bi liê čŏng ngă bruă êmưt, amâo mâo ngă djŏ klei kuôl kă srăng brei kbiă mơ̆ng dŭm hdră mkăn.