Wưng leh êgao, klei mjĕ mgiăm plah wah čar Dak Lak leh anăn čar Mondulkiri amâo mâo mdei dưi bi kjăp leh anăn mđĭ kyar, đru mguôp leh jăk kơ klei đĭ kyar bruă duh mkra ala ƀuôn mơ̆ng dua nah, bi kdơ̆ng mâo klei tŭ dưn hŏng phung ngă soh hluh knông lăn, răng mgang kjăp klei dưi kiă kriê leh anăn gơ̆ng knăl knông lăn ala čar.

Dŭm mta bruă bi hgŭm plah wah dua čar dưi pŏk ngă hŏng klei kjăp, mđrăm mbĭt leh anăn mâo boh êlam. Mđĭ lar boh tŭ dưi mâo, Dak Lak leh anăn Mondulkiri bi siñê leh Hră bi hdơr hgŭm bruă wưng thŭn 2026-2028, mđĭ hĭn dŭm bruă ngă, đru bi ksul mbŭ klei mjĕ giăm jăk siam, bi hgŭm mâo leh mơ̆ng đưm, bi mguôp kluôm dhuôm, hơĭt kjăp sui thŭn plah wah dua ala čar Việt Nam - Campuchia./.