Hdră bruă mâo ênoh bi liê 9,8 êklăk USD, pŏk ngă wưng 2027-2031, mđing đru klă klơ̆ng kơ dŭm êpul mnuih ƀuôn sang ênưih kpĕ êka mơ̆ng klei bhiăn bi liê prăk pral mơ̆ng tur knơ̆ng klei amâo myun kyua yan adiê ngă.

 Dua alŭ wăl dưi ruah lông ngă mâo să Krông Năng - krĭng wăl khăng mâo nanao klei adiê không kƀah êa leh anăn ƀuôn hgŭm Phú Yên -anôk tlă anăp hŏng klei êngăp êa, klei trŏ msĭn. Mĭn tĭng hlăm brô 10.000 gŏ êsei mnuih ƀuôn sang mâo đru kơ hdră duh ƀơ̆ng, 2000 gŏ êsei ƀun dưi đru blei hră ênua ti anăp klei yan adiê amâo jăk. Klei mrâo mơ̆ng hdră bruă jing ba yua ênoh mrô klei đăo knăl yan adiê, rup vệ tinh leh anăn klei thâo anak mnuih mkra mjing čiăng mđĭ klei đru kơ dŭm ênoh mrô yan adiê êgao hnơ̆ng hưn brei răng.