Quân đoàn 34 gĭt gai leh dŭm êpul êya rơ̆ng kơ klei mă bruă hlăm klei kjăp, bi leh djŏ wưng kčah, čŏng prăk jăk jih bruă nah tluôn, ngă bi kjăp jih jang ênoh čuăn kơ klei doh êƀăt mnơ̆ng ƀơ̆ng, klei êđăp ênang bruă knuă, lehanăn răng kriê klei suaih pral kơ lĭng kahan hlăm jih wưng dôk mă bruă.

Êngao kơ kahan mơ̆ng Quân đoàn 34, hlăm gưl ktuh êyuh bruă anei, knơ̆ng bruă kiă kriê kahan čar Gia Lai (Quân khu 5) ăt đru kơ bruă rŭ mdơ̆ng dŭm boh sang hră knŭk kna čiêm rông mlir gưl ti knông lăn nah yŭ mơ̆ng čar. Klei sa ai mđrăm mbĭt mơ̆ng lĭng kahan srăng đru bi pral hĭn bruă rŭ mdơ̆ng sang hră, mbĭt anăn mđĭ bi lar bruă knuă mơ̆ng lĭng kahan awa Hồ mâo nanao klei mđrăm mbĭt hŏng alŭ wăl mđing kơ bruă mjuăt bi hriăm ti alŭ wăl knông lăn čar Gia Lai.