Wăl duh mkra Dhŭng Phú Yên dưi bi mklă jing krĭng đĭ kyar nah Ngŏ mơ̆ng čar Dak Lak, hŏng hdră êlan mđĭ kyar bruă tuh tia mkra mjing, logistic lehanăn kdrŭn ksĭ. Mta phŭn ară anei jing 2 hdră prŏng mâo Êpul grŭp Hòa Phát duh, mâo Wăl tuh tia mkra mjing Hòa Tâm (giăm 492 ha, êbeh 4.188 êklai prăk) lehanăn Kdrŭn ksĭ Bãi Gốc (êbeh 306 ha, hlăm brô 16.300 êklai prăk, hnơ̆ng ngă bruă 26,7 êklăk ton/thŭn).

Anei jing dua hdră phŭn, dưi bi mklă hdră jak iêu phung duh bi liê lehanăn mkŏ mjing wăl anôk tuh tia mkra mjing – bruă nah tluôn ktuê hang ksĭ. Khă snăn, hdră anei dôk mâo lu klei kpăk gun msĕ si kƀah lăn bi mbŏ, gun kpăk klei ngă hră mơar, anôk bruă pui kmlă – êa ka mđrăm mbĭt lehanăn hdră mkŏ anôk dôk mrâo adôk êmưt. Anei jing mta phŭn mâo čar dôk mđing ruh mtlaih hlăm gưl anei.