Dak Lak mphŭn ngă hdră bruă lu jơr mnơ̆ng dhơ̆ng hdĭp leh anăn klei găl hdră duh ƀơ̆ng kơ phung mniê mnuih djuê ƀiă
Thứ năm, 09:59, 16/07/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Tlam (15/7), Knơ̆ng bruă lŏ hma leh anăn wăl hdĭp mda čar Dak Lak bi hgŭm hŏng dŭm êpul bruă mơ̆ng Canada pŏk ngă Hdră bruă " Bi lu jơr mnơ̆ng dhơ̆ng hdĭp leh anăn klei găl hdră duh ƀơ̆ng kơ phung mniê mnuih djuê ƀiă" (pia klah čŭn jing Hdră bruă BLOOM).
Hdră dưi đru mơ̆ng Knŭk kna Canada, pŏk ngă ti dua čar Dak Lak leh anăn Tuyên Quang mơ̆ng mlan 6/2026 truh mlan 4/2030. Ti Dak Lak, alŭ wăl pŏk ngă mđing ti Đang dliê knŭk kna mkuôm Čư̆ Yang Sin leh anăn dŭm să nah tluôn mâo Hoà Sơn, Čư̆ Pui leh anăn Yang Mao, Ênoh prăk đru amâo mâo tla wĭt êbeh 21 êklai prăk. Hdră bruă mđing truh mkra mđĭ hdră duh ƀơ̆ng mơ̆ng hlăm brô 1.500 čô mnuih dưi dưn klă anăp lehanăn 6.000 čô dưi dưn klei tŭ dưn.
Hluê hŏng dŭm bruă đru kơ hdră mnêč, hdră bruă srăng mtrŭt mđĭ ba yua dŭm hdră msir jưh kơ lăn adiê mguôp hŏng klei mtăp mđơr êkei mniê, mđĭ klei thâo kriê dlăng, ba yua hơĭt kjăp mnơ̆ng dhơ̆ng lăn adiê lehanăn mđĭ bruă klam, klei blŭ mơ̆ng phung mniê mnuih djuê ƀiă hlăm bruă kiă kriê, răng mgang dliê.
Viết bình luận