Rang mdah hưn mthâo giăm 200 hră mơar, rup kơ ai tiê amâo thâo kŭ kyăm mơ̆ng phung kahan krŭ kdơ̆ng tuôm krư̆ kđăl ti dŭm sang mnă Hỏa Lò, Sơn La, Côn Đảo, Phú Quốc, Sang mnă Ƀuôn Ama Thuôt leh anăn sang mnă Dak Mil. Hŏng  3 akŏ phŭn “Klei krư̆ kđăl”, “Phiơr ti krah mlam mmăt” leh anăn “hdră lŏ čuê”, boh phŭn anôk rang mdah lŏ bi êdah dŭm klei găn mnă jhŏng ktang mbĭt hŏng klei mĭn krŭ kdơ̆ng hơĭt kjăp mơ̆ng phung kahan.

Anei jing bruă ngă mpŭ mni, hdơr knga kơ phung nao êlâo, mjuăt bi hriăm knhuah gru khăp kơ ala čar kơ phung mda asei, mbĭt anăn mâo boh tŭ yuôm bhăn hlăk Sang mnă Ƀuôn Ama Thuôt dưi mkŏ hlăm hdră krŭ kdơ̆ng mbĭt mơ̆ng kluôm ala.