Klah čŭn mmông mă bruă, Khua gĭt gai Đảng, Khua lăn čar mtă, brei pral bi leh Hdră mkŏ dăp Êpul grŭp wưng thŭn 2026 - 2030 hluê hdră klă sĭt, mâo mta phŭn; Hdră brei păn kjăp Hdră mtrŭn 19, Hdră mtrŭn 57, dŭm hdră kčah kơ bruă pui kmlă, mnơ̆ng hlăm gŭ lăn leh anăn klei čiăng bi mlih mtah; bi klă mta kñăm, hdră êlan, bruă klam, boh tŭ dưn dưi ksiêm dlăng hŏng hnơ̆ng tŭ jăk, klei tŭ dưn prăk bi liê leh anăn klei thâo kơ kdrăp mrâo, anôk bruă khuăt leh anăn klei bi ktưn prŏng.

Khua gĭt gai Đảng, Khua lăn čar mñă, Êpul grŭp brei mjing boh kdrŭt kơ klei kreh knhâo mrâo mrang, bi mlih mrô leh anăn hnơ̆ng ngă bruă; mbĭt anăn mkŏ wĭt dŭm bruă duh bi liê leh anăn ngăn prăk, mtrŭt mđĭ pŏk mlar klei bi hgŭm mđĭ kyar, mđĭ hnơ̆ng thâo kriê dlăng, jih jang hdră bruă brei dưi mdưm hlăm kluôm leh anăn dưi ruah kjăp, amâo tui tiŏ hnơ̆ng prŏng, amâo duh bi liê lu đei. Mdưm klei êđăp ênang leh anăn klei hdĭp mnuih mă bruă ti anôk phŭn mguôp hŏng bruă ba yua mnơ̆ng dhơ̆ng, krŭ wĭt wăl hdĭp mda, mđĭ kyar hơĭt kjăp mơ̆ng alŭ wăl. Mbĭt hŏng anăn, brei mđing dlăng kơ sang, bruă mdrao mgŭn leh anăn hnơ̆ng tŭ jăk kơ klei mă bruă, mtrŭt mđĭ hdră ba yua kdrăp mrâo, kdrăp mrâo mrang čiăng bi hrŏ mnuih mă bruă ti dŭm anôk ktrŏ, huĭ hyưt.