Ară anei, dŭm anôk čhĭ mnơ̆ng, siêu thị lehanăn sang mnia ti ƀuôn prŏng Ƀuôn Ama Thuôt, čar Dak Lak, ai êwa Têt hlăk mčhĭt m’uăt. Phung čhĭ mnia lehanăn dŭm siêu thị bi msiam leh anôk rang mdah dŭm mta mnơ̆ng mkăp kơ mnuih ƀuôn sang hlăm wưng Têt. Siêu thị Co.opmart Ƀuôn Ama Thuôt mkăp leh mnơ̆ng Têt êbeh 80 êklai prăk, hlăm anăn mnơ̆ng Việt Nam pô mâo truh 90%. Siêu thị ba yua hdră đru mdul ênoh čhĭ mơ̆ng hruê 1/12/2024 truh hruê 28/1/2025.

Dŭm mta mnơ̆ng bi hơĭt ênoh čhĭ êbeh 20% jing dŭm mta mâo: Mnơ̆ng ƀơ̆ng, mnơ̆ng mkra mjing, čĭm ŭn, mnŭ, čĭm êmô, djam mtam, boh kroh lehanăn dŭm mta mnơ̆ng yua hlăm hruê Têt. Čiăng bi hơĭt ênoh čhĭ hlăm wăl anôk mnia mblei wưng knhal jih thŭn lehanăn Têt djuê ana Ất Tỵ 2025, Anôk bruă sang čư̆ êa čar Dak Lak ba mdah leh Hdră kčah mkăp mnơ̆ng čiăng êdi. Ară anei, 11 anôk bruă duh mkra p’prŏng mkăp nleh mnơ̆ng hŏng êbeh 507 êklai prăk, mkăp hlăm brô 36,4% klei čiăng blei yua mơ̆ng mnuih ƀuôn sang. Dŭm mta mnơ̆ng bi hơĭt ênoh mâo mnơ̆ng ƀơ̆ng huă, mnơ̆ng leh mkra mjing, čĭm, êa praĭ, ƀêñ hra, bột ngọt, djam mtam, boh kroh lehanăn dŭm mta nhiên liêụ./.