Khua lăn čar Lương Cường bi êdah klei mơak leh anăn mgei ai tiê tơdah knuă druh, lĭng kahan răng mgang knông lăn bi hgŭm kjăp hŏng gưl bruă Đảng, bruă sang čư̆ êa , dŭm gưl, dhar bruă kriê dlăng Tết kơ mnuih ƀuôn sang ti krĭng knông lăn; bi êdah ai tiê đua klam leh anăn knuih jăk lĭng kahan yang ƀuôn Việt Nam jhŏng ktang. Khua lăn čar Lương Cường mtă kơ gưl bruă Đảng, bruă sang čư̆ êa dŭm gưl lŏ dơ̆ng kƀĭn mkŏ mjing hlue ngă bruă klam thŭn 2025 mơ̆ng akŏ thŭn.

Hlăm anăn, Êpul lĭng kahan knông lăn jing phung ngă bruă, lŏ dơ̆ng bi hgŭm, ngă jăk bruă kriê dlăng, răng mgang kjăp klei dưi lăn čar, klei êđăp ênang knông lăn ala čar. Ƀri gưl anei, Khua lăn čar Lương Cường mđup brei 200 boh sang hơuh mđao knông lăn mâo ênoh 10 êklai prăk kơ mnuih ƀuôn sang krĭng knông lăn čar Lai Châu leh anăn mđup brei 11 hnư mnơ̆ng kơ gŏ sang knŭk kna dlăng ba.