Dua khua knŭk kna bi mni kơ boh tŭ Klei bi kƀĭn tal 47 Dhar bruă mlir Knŭk kna Việt Nam – Lào kñăm hlue ngă klei kuôl kă mơ̆ng khua gĭt gai gưl dlông, ƀuăn rơ̆ng mơ̆ng knŭk kna dua ala čar; bi tŭ ư bi hgŭm pŏk ngă tŭ dưn bruă ktuê dlăng mbĭt, čiăng đru pŏk ngă tŭ dưn klei kuôl kă leh anăn Hdră kčah gưl dlông dua ala čar leh anăn klei kuôl kă bi hgŭm dua Bruă kƀĭn ala; bi hgŭm kjăp hlăm klei mkŏ mjing bruă yuôm bhăn mơ̆ng dua ala čar; mđĭ bi trông, kah mbha klei thâo hlăm bruă dua tĭng mđing, boh nik hlăm bruă mkŏ mjing bi leh klei bhiăn leh anăn ktuê dlăng jih hnơ̆ng bruă ngă mơ̆ng dŭm anôk bruă Knŭk kna…

Ăt hlăm hruê 10/01, Khua knŭk kna Phạm Minh Chính drông leh Bun-thoong Chít-mạ-ni,  K’iăng  Khua lăn čar Lào, Khua Êpul bi hgŭm Lào - Việt Nam leh anăn K’iăng Khua bruă mặt trận Lào mkŏ mjing lăn čar.

 Mmăt 10/1, êdeh phiơr mdiăng Khua knŭk kna Phạm Minh Chính đuĕ mơ̆ng ƀuôn prŏng phŭn Viêng Chăn, Lào, mjưh ruĕ jăk siam gưl nao mă bruă ti Lào leh anăn hrăm mbĭt gĭt gai Klei bi kƀĭn tal 47 Dhar bruă mlir knŭk kna Việt Nam-Lào.