Khua lăn čar Lương Cường bi mni kơ alŭ wăl, khădah adôk dleh dlan, ƀiădah dŭm bruă gưl bruă Đảng, bruă sang čư̆ êa, lĭng kahan lehanăn mnuih ƀuôn sang čar Lai Châu bi mguôp, gĭr ktưn hgao jih klei dleh dlan, lông dlăng, bi leh jih mta kñăm mđĭ kyar bruă duh mkra, dhar kreh, ala ƀuôn. Klei hdĭp mnuih ƀuôn sang ti alŭ wăl dưi mkra mđĭ klă sĭt, hdră lĭng kahan, răng mgang klei êđăp ênang, bruă hŏng tač êngao dưi rơ̆ng kjăp lehanăn mđĭ hĭn.

Khua lăn čar mtă kơ dŭm bruă gưl bruă Đảng, bruă sang čư̆ êa,  dŭm gưl, dhar bruă, êpul kahan mơ̆ng čar Lai Châu mđing gĭt gai, hluê ngă kjăp hdră mtrŭn mơ̆ng Đảng, hdră bhiăn mơ̆ng Knŭk kna, lŏ dơ̆ng krơ̆ng kjăp, mđĭ lar knhuah gru khăp kơ ala čar, kjăp, jhŏng ktang, gĭr mă bruă, mđĭ lar ai tiê thâo khăp čiăng – thâo bi đru mơ̆ng lĭng kahan lehanăn mnuih ƀuôn sang čar Lai Châu; mđĭ lar ai ktang bi hgŭm mguôp jih jang djuê ana, krŭ wĭt klei čang hmăng mkŏ mkra ƀuôn sang sah mdrŏng, hluê ngă tŭ dưn hdră cách mạng, mkra mđĭ klei hdĭp, ai tiê, mnơ̆ng dhơ̆ng mơ̆ng mnuih ƀuôn sang hluê ngă “Kluôm ala hgŭm kngan kyua mnuih ƀun, amâo lui hlei pô dôk ti tluôn” lehanăn Hdră bi ktưn “Msir lăm sang dôk êjai, sang tĭ ƀrôč” hluê djŏ klei gĭt gai mơ̆ng Knŭk kna lehanăn Khua knŭk kna./.