Boh nik, hlăm ênoh anăn, mâo dua čô dôk hlăm êpul khua kiă kriê bruă Đảng čar, mâo H’Lim Niê, khua anôk bruă kiă kriê klei hâo hưn bruă Đảng čar, lehanăn H’Kim Hoa B’Yă, Khua anôk bruă đru čung ba mnuih ƀuôn sang mơ̆ng bruă Đảng čar.

Mbĭt anăn, mâo Rơ Lan Vôn Ga, Khua bruă Đảng kdriêk M'Đrắk, lehanăn 3 čô knuă druh mkăn, jing khua, k'iăng khua dŭm anôk bruă êpul êya. Ăt tui si Hải, lŏ mâo thiăm 3 čô mkăn ăt ngă hră akâo wĭt mdei. Tui si Nguyễn Thượng Hải brei thâo jih jang phung ngă hră akâo mdei anăn, dưi mâo leh klei tŭ ư, kñăm mjing klei găl dưi wĭt mdei, lehanăn jang bruă knuă mă kơ phung mda asei, djŏ hŏng hdră êlan bi hrŏ mnuih mă bruă, dăp wĭt hŏng klei khuăt, kjăp hlăm čar./.