Klei bi kƀĭn mâo tŭ mă leh êbeh 100 klei akâo mơ̆ng phung duh mkra, Êpul hgŭm bruă, mđing kơ hlăm bruă mđĭ mlih klei duh bi liê, ruh mgaih klei dleh dlan kơ bruă duh mkra mnia mblei, lehanăn mtrŭt mđĭ klei mđĭ kyar bruă duh mkra êngao knŭk kna. Dŭm klei akâo kơ klei lŏ bi mlih klei bhiăn, kơ klei ngă hră mơar hŏng klei ênưih, ruh mgaih jih klei dleh dlan, klei gun kpăk kơ lăn ala, klei čuăl mkă, rŭ mdơ̆ng lehanăn răng mgang wăl hdĭp mda, mbĭt anăn mđĭ hĭn klei dưi čan prăk, hdră êlan klei kơ jia, lehanăn ai dưi kơ klei mđĭ kyar.

Klah čŭn klei bi kƀĭn, Lương Nguyễn Minh Triết, Khua bruă Đảng čar, jing khua êpul phung bi ala bruă kƀĭn ala čar Daklak jao bruă čuăn kơ knơ̆ng bruă sang čư̆ êa mđĭ hĭn klei mlih mrâo hdră bi blŭ hrăm, klei mđing hmư̆, tŭ mă dŭm klei akâo mơ̆ng phung duh mkra. jao bruă klam kơ grăp čô mnuih, dŭm êpul êya hlăm hdră mă bruă hŏng jih jang dŭm klei akâo. Êpul bi ala bruă kƀĭn ala, Êpul gơ̆ng bruă ƀuôn sang čar Daklak ăt srăng ksiêm dlăng bi nik dŭm klei ƀuăn mơ̆ng knơ̆ng bruă sang čư̆ êa čar, lehanăn dŭm knơ̆ng dhar bruă alŭ wăl, klei mă bruă hŏng phung duh mkra./.