Boh nik, sang mkra mjing kphê mơ̆ng Êpul grŭp Trung Nguyên Legend hŏng eneoh duh bi liê hlăm brô 2.200 êklai prăk. Bruă anei srăng tă êlan mjing anôk mkra kphê prŏng hĭn, dưi ba yua hŏng kdrăp mrâo mrang, đru mđĭ boh tŭ kphê Buôn Ma Thuột lehanăn pŏk êlan kơ klei mkra mjing kjăp hĭn.

Ăt hrue anăn mơh, ti alŭ wăl duh mkra Hòa Hiệp, 3 boh sang mkra mjing hŏng ênoh duh bi liê 770 êklai prăk dôk rŭ mkra mâo sang mkra mjing mnơ̆ng ƀơ̆ng dưm hlăm tŏ ƀuăt, mkra mjing hbâo pruê, lehanăn rơ-moóc, kdrăp êdeh dŭ mdiăng mnơ̆ng. Amâo mâo djŏ knŏng mjing boh kdrŭt mrâo, ƀiădah lŏ mjing anôk jăk kơ klei duh bi liê ti alŭ wăl, đru bi mlih hdră êlan duh mkra lehanăn mđĭ kyar bruă tuh tia hŏng klei kjăp./.