Adŭ bruă anôk bruă kƀĭn ala brei thâo, klei bi kƀĭn tal dua mơ̆ng dhar bruă gĭt gai bruă kƀĭn ala mkŏ mjing aguah hrue 11/5/2026, ti adŭ bi kƀĭn Tân Trào, Sang bruă kƀĭn ala. Khua bruă kƀĭn ala Trần Thanh Mẫn blŭ hrăm pŏk klei bi kƀĭn, mbĭt hŏng phung k’iăng khua bruă kƀĭn ala kiă kriê klei bi kƀĭn. Ti Anôk bi kƀĭn anei, dhar bruă gĭt gai bruă kƀĭn ala srăng ksiêm dlăng, bi mklă hdră bhiăn mtrŭn lŏ mlih mrâo, thiăm mbŏ đa đa mta mơ̆ng Hdră bhiăn mtrŭn bi sa hnơ̆ng hră mơar djŏ tui si hdră bhiăn.

Kơ bruă ksiêm dlăng, dhar bruă gĭt gai bruă kƀĭn ala srăng ksiêm dlăng klei hâo mdah kơ bruă hŏng ai tiê mnuih ƀuôn sang čiăng mơ̆ng bruă kƀĭn ala hlăm mlan 3 lehanăn mlan 4/2026. Ti anôk bi kƀĭn, Dhar bruă gĭt gai bruă kƀĭn ala srăng bi kƀĭn bi mklin klei bi kƀĭn tal sa lehanăn mă klei blŭ kơ dŭm knhuang tal êlâo kơ bruă mprăp klei bi kƀĭn tal 2, bruă kƀĭn ala gưl 16./.