Hlăm wưng êgao, Lâm Đồng mđing pŏk ngă tŭ dưn gru hmô bruă knŭk kna alŭ wăl dua gưl; mtrŭt mđĭ bruă hluê ngă Hdră mtrŭn mrô 57 mơ̆ng Phŭn bruă kđi čar kơ hdră kreh knhâo, bi mlih mrô, bi mlih mrâo.

Hlăm 5 mlan akŏ thŭn 2026, hdră duh mkra – ala ƀuôn mơ̆ng čar lŏ dơ̆ng đĭ kyar jăk siam, hdră hiu čhưn ênguê hrui mâo giăm 2.188 êklai prăk, hrui wĭt ngăn prăk knŭk kna mâo êbeh 14.930 êklai prăk, êgao ênoh čuăn gưl dlông kčah. Nguyễn Văn Quảng mtă kơ čar Lâm Đồng lŏ dơ̆ng mđing ruh mtlaih klei dleh dlan hlăm bruă kah mbha gưl, klei dưi; bi mlih mrâo gru hmô đĭ kyar mguôp hŏng hdră bi mlih mrô, mđĭ lar klei găl bruă hiu čhưn ênguê, bruă lŏ hma ba yua kdrăp mrâo lehanăn hdră duh mkra mtah./.