Việt Nam lehanăn Thái Lan jing dua ala čar jĕ giăm mâo lu klei găl msĕ hlăm bruă răng kriê klei êđăp ênang, hơĭt kjăp, bi hgŭm mđĭ kyar hlăm alŭ wăl. Găn leh giăm  50 thŭn yap mơ̆ng leh mkŏ mjing klei mjĕ mgiăm hgŭm mbĭt, klei bi hgŭm dua ala čar amâo mâo mdei dưi hyuă kjăp, lehanăn mđĭ kyar kluôm dhuôm, mjing leh sa klei bi mguôp tŭ jing yuôm bhăn hĭn hlăm ASEAN.

Thái Lan ară anei jing ala čar mnia mblei prŏng hĭn hlăm ASEAN, hŏng klei bi mnia mblei dua nah thŭn 2025 mâo êbeh 22 êklai USD. Dua klei bi duh mkra anei knư̆ hrue knư̆ dưi bi mguôp tliêr kjăp hĭn hlăm alŭ wăl. Leh klei bi trông, Khua gĭt gai Tô Lâm lehanăn Khua knŭk kna Thái Lan Anutin Charnvirakul dlăng klei bi klă hră mơar hgŭm plah wah dŭm phŭn dhar bruă dua ala čar. Ƀri wưng anei, Khua gĭt gai Tô Lâm lehanăn Khua knŭk kna Anutin Charnvirakul mđrăm mbĭt gư̆ kliăng pŏk Logo bi hdơr 50 thŭn hrue mkŏ mjing klei mjĕ mgiăm  Việt Nam – Thái Lan.