Gưl hiu čhưn mkŏ mjing hlăk klei bi mjĕ Việt Nam - Singapore dôk đĭ kyar jăk siam hlăm lu mta bruă, hŏng klei đăo knang hlăm bruă kđi čar dưi bi kjăp mơ̆ng dŭm gưl hiu čhưn, bi tuôm gưl dlông.

Singapore ară anei jing anôk duh bi liê hlăm ASEAN prŏng êdi duh ti Việt Nam, hlăm anăn mâo dŭm wăl tuh tia mkra mjing VSIP dưi dlăng jing klei bi êdah kơ hdră bi hgŭm tŭ dưn mơ̆ng dua ala čar. Singapore ăt jing ala čar tal êlâo mkŏ mjing Klei bi mjĕ ƀĭng hgŭm bruă duh mkra mrô – bruă duh mkra mtah hŏng Việt Nam, pŏk klei găl hgŭm bruă hlăm hdră bi mlih mrô, bi mlih mrâo, bruă pui kmlă doh lehanăn mdrơ̆ng hŏng klei bi mlih yan adiê. Boh nik, anei jing gưl tal êlâo sa čô Khua gĭt gai Đảng, Khua lăn čar Việt Nam blŭ hrăm ba akŏ ti Klei bi blŭ hrăm Shangri-La.