Pŏk klei bi kƀĭn, Khua bruă kƀĭn ala Trần Thanh Mẫn lač klă: 10 hdră bhiăn dưi bi êdah hlăm klei kƀĭn anei dôk hlăm dŭm mta bruă mâo phung ktuê dlăng uêñ mĭn msĕ si, hdră bhiăn Công đoàn (mkra mlih), hdră bhiăn jia ênoh ênil đĭ (mkra mlih) ; hdră bhiăn mnơ̆ng kriê pioh dhar kreh (mkra mlih), hdră bhiăn čuăl mkă ƀuôn prŏng leh anăn krĭng ƀuôn sang, hdră bhiăn gang mkhư̆ klei pui ƀơ̆ng leh anăn tui duah đru dŏng.

Khua Bruă Kƀĭn Ala mñă klă, Phŭn bruă kđi čar mrâo ba mdah hdră mtrŭn mrô 178 kơ bruă ksiêm dlăng klei dưi gang mkhư̆ klei ƀơ̆ng ngăn, klei amâo mâo jăk hlăm bruă mkŏ mjing hdră bhiăn, mñă kơ phung khua êmua dhar bruă kƀĭn ala bi êdah klă klei mĭn, amâo mâo ñĕ kơ dŭm klei dleh. Mbĭt anăn brei thâo, akŏ thŭn 2025 srăng mkŏ mjing klei kƀĭn hdră bhiăn, čiăng bi trông êlam hĭn, klă hĭn, čiăng mđĭ hnơ̆ng tŭ jăk, nao êlam hĭn hlăm bruă mkŏ mjing hdră bhiăn.