Ti anôk bi kƀĭn, Êpul gơ̆ng bruă ƀuôn sang čar Gia Lai bi tŭ ư truh kơ klei bi mklă dŭm hdră mtrŭn yuôm bhăn mâo: Bi mklă ênoh ngăn prăk alŭ wăl thŭn 2025; hdră mđĭ kyar bruă duh mkra ala ƀuôn 5 thŭn hlăm wưng thŭn 2026-2030; lăm lui hdră mtrŭn kơ dŭm bruă čuăn, lehanăn ênoh tĭng klei bi liê ngăn prăk alŭ wăl, mlih mrâo thiăm mbŏ dŭm mta mtrŭn kơ ênoh čuăn bi mklă kơ grăp mta lăn thŭn 2026; čoh čuăn hdră êlan đru mnuih mnuih ngă bruă kăp čuh mnuih djiê hlăm alŭ wăl, Kơ bruă dăp wĭt êpul mă bruă hlăm alŭ wăl dŭm gưl, lehanăn sa thŭn ngă bruă sang čư̆ êa dua gưl, hâo mdah ti anôk bi kƀĭn bi êdah dŭm mta bruă dôk dleh dlan.

Boh nik, hlăm dŭm mta hră mơar ka mâo hdră êlan mă bruă mđrăm mbĭt jih jang, klei thâo, klei hriăm mơ̆ng hdr\a mă bruă hlăm đa đa knuă druh ka kjăp. Mâo dŭm alŭ wăl  kƀah mnuih mă bruă ti dŭm mta bruă klei kơ lăn ala, bruă rŭ mdơ̆ng, bruă ngăn prăk bruă kdrăp mrâo lehanăn klei bi mlih mrô. Bruă dôk ka bi mŭt sĭt mnuih mă bruă leh dăp bruă ăt jing klei dleh dlan hlăm klei mă bruă, klei hrŏng ruah, lehanăn dưn yua knuă druh mnuih mă bruă hlăm gưl ƀuôn hgŭm./.