Êpul grŭp T&T brei thâo, dôk ksiêm dlăng hdră duh Krĭng ƀuôn prŏng nah Ngŏ Ƀuôn Ama Thuôt hŏng hlăm brô 680 ha, hŏng ênoh duh êbeh 44 êbâo êklai prăk lehanăn krĭng nah Ngŏ êlan dêč mơ̆ng Êlan dơ̆ng prŏng mrô 1 ƀuôn hgŭm Tuy Hòa, ƀuôn hgŭm Bình Kiến hŏng ênoh duh êbeh 20.100 êklai prăk. Anôk bruă duh mkra ăt bi êdah klei čang hmăng mđĭ kyar dŭm hdră pui kmlă êran hŏng ai angĭn, êran hŏng pul mngač yang hruê ti Dak Lak hlăm wưng ti anăp.

Bi ala êpul grŭp T&T tĭng dlăng, Dak Lak mâo lu klei găl mđĭ kyar bruă lŏ hma, bruă pui kmlă lŏ mkra mjing, mnia mblei, hiu čhưn ênguê; mbĭt anăn ƀuăn srăng ksiêm bi mklă hdră ba mdah klei duh bi liê, rơ̆ng boh tŭ dưn lehanăn hdră êlan đĭ kyar mơ̆ng alŭ wăl. Bi myuôm klei mđing dlăng mơ̆ng Êpul grŭp Lương Nguyễn Minh Triết, Khua bruă Đảng čar Dak Lak lač, klei anôk bruă duh mkra čŏng ksiêm dlăng, ba mdah hdră duh kơ dŭm bruă prŏng jing klei bi êdah jăk hŏng mta kñăm jak iêo klei duh bi liê mơ̆ng čar. Ñu ăt mtă kơ dŭm anôk bruă djŏ tuôm lŏ dơ̆ng hrăm mbĭt, mtrŭt mđĭ pral klei ngă hră mơar dŭm hdră anei čiăng hnưm dưi bi sĭt klei mĭn čiăng duh bi liê./.