Ti să Ea Hiu lehanăn Ea Yiêng, kdriêk Krông Pač, klei hâo hưn mđing kơ dŭm bruă bi kdơ̆ng hŏng klei ngă jhat hlăm găp djuê, bi hriăm kơ phung êkei, phung mniê hlăk ai lehanăn kơ gŏ sang phung mda asei. Bi ti să Ea Rŏk, kdriêk Ea Sup, mđing hâo hưn bruă klam mơ̆ng khua ƀuôn, mnuih mâo k’hưm hlăm ƀuôn sang hŏng bruă bi kdơ̆ng hŏng klei ngă jhat hlăm găp djuê.

Mâo dŭm klei bi yăl dliê, klei bi hmô mtô mblang kăm ghă klei bi dôk ung mô̆ mơ̆ng mda, mtô kơ klei dôk dơ̆ng ƀơ̆ng huă hlăm găp djuê, mđĭ bruă klam mơ̆ng khua mduôn, khua ƀuôn. Hâo hưn kơ dŭm mta mtrŭn mơ̆ng klei ngă jhat hlăm găp djuê, mâo dŭm anôk kăp dru mgang kơ mnuih tŭ kloei găp djuê ngă jhat, bi kčŭt hưn, klei bhiăn hlăm bruă bi mgrăng, bi kdơ̆ng hŏng klei ngă jhat hlăm găp djuê./.