Hlăm 5 hruê mdei, mơ̆ng 29/8 truh 2/9, ênoh tue hriê čhưn dlăng, dôk jưh ti alŭ wăl čar Lâm Đồng hlăm brô 680.000 čô, đĭ 15% mkă hŏng wưng anei thŭn dih. Hnư hrui wĭt mơ̆ng bruă hiu čhưn ênguê đăo tĭng hlăm brô 1.410 êklai prăk.Tue dôk jưh kƀĭn lu mơ̆ng hruê 29/8 truh 1/9. Hnơ̆ng adŭ dôk jưh kah knar mâo hlăm brô 65-70%; hjăn dŭm sang jưh mơ̆ng 3/5 mtŭ mâo hlăm brô 80-85%.

Hlăm dŭm hruê knhal jih hruê kăm mơ̆ng 30/8 truh 1/9, lu anôk bruă dôk jưh mâo hnơ̆ng 100%.Yan mdei prŏng thŭn anei, bruă hiu čhưn ênguê Lâm Đồng mkŏ mjing jăk siam hŏng lu hdră bruă dhar kreh, hlăp mbul, mjuăt ktang asei mlei; Tač êdeh phiơr prŏng Liên Khương lŏ wĭt ngă bruă ăt đru mguôp mđĭ hdră bi hgŭm, iêo jak phung tuê. Ênoh sang jưh lehanăn dŭm hdră bruă hiu čhưn ênguê phŭn hơĭt kjăp, đĭ ƀiă mkă hŏng hruê aguah tlam; amâo čih yap klei mđĭ ênoh, kčŭt kơ tuê. Klei êđăp ênang, klei êđăp ênang hlăm êlan klông, gang mkhư̆ klei pui ƀơ̆ng lehanăn klei êđăp ênang ti dŭm alŭ, anôk hiu čhưn ênguê phŭn dưi rơ̆ng.