Mĭn tĭng hlăm 2 gưl bi kƀĭn: gưl 1: 1 hruê (tlam anei leh anăn aguah mgi 04/9/2026); gưl 2: 4 hruê mkrah (mơ̆ng hruê 21/9 truh aguah hruê 25/9/2026). Ti anôk bi kƀĭn tal 6, Dhar bruă gĭt gai bruă kƀĭn ala srăng ksiêm dlăng, brei klei blŭ kơ 27 hdră bhiăn, hdră mtrŭn, năng mđing msĕ si hdră bhiăn: Hdră bhiăn mkra mlih, thiăm mbŏ dŭm mta mơ̆ng Hdră bhiăn čuăl mkă; Hdră bhiăn mkra mlih, thiăm mbŏ dŭm mta mơ̆ng Hdră bhiăn tĭng tla, Hdră bhiăn ksiêm dlăng êngiê…

Ăt ti anôk bi kƀĭn, Dhar bruă gĭt gai bruă kƀĭn ala srăng ksiêm dlăng, bi mklă dŭm klei čih mkra Hdră mtrŭn năng mđing msĕ si: Hdră mtrŭn kơ Hdră mkŏ mjing bruă kƀĭn ala thŭn 2027; Hdră mtrŭn kčah mtrŭn kơ dŭm anôk bruă ksiêm dlăng dưi mă sa kdrêč mơ̆ng dŭm ênoh prăk hrui wĭt, ƀuh hlăm klei ksiêm dlăng leh jao kơ knŭk kna pioh duh kơ bruă leh anăn mđĭ klei thâo mơ̆ng anôk bruă ksiêm dlăng; Hdră mtrŭn kčah mtrŭn kơ klei bhiăn răng mgang Khua phat kđi. Dhar bruă gĭt gai bruă kƀĭn ala srăng brei klei blŭ kơ Hdră bruă ala čar kñăm gang mkhư̆ phung ngă soh wưng thŭn 2026 -2030, hnơ̆ng trah dlăng truh thŭn 2035.