Hlăm klei kƀĭn dlăng Thiếu tướng Lương Đình Chung čih yap, pah mni ai tiê bi mguôp, klei gĭr găn klei dleh dlan mơ̆ng knuă druh, lĭng kahan hlăm bruă mtrŭt mđĭ bruă rŭ mkra dŭm sang hră krĭng knông lăn.

Hluê ngă hdră êlan mơ̆ng Phŭn bruă kđi čar, Knơ̆ng gĭt gai lĭng kahan gưl dlông leh anăn Phŭn bruă lĭng kahan kơ mđĭ kyar bruă sang hdră mơar krĭng mnuih djuê ƀiă, krĭng knông lăn, mơ̆ng mlan 4/2026 truh kơ ară anei, kahan alŭ wăl 5 tiŏ nao leh dŭm êbâo čô knuă druh, lĭng kahan nao hgŭm rŭ mkra dŭm pluh sang hră Knŭk kna rông ba mlir gưl hriăm ti Đà Nẵng, Quảng Ngãi, Gia Lai leh anăn Dak Lak. Khua bruă kđi čar kahan alŭ wăl 5 mñă kơ anôk bruă lŏ dơ̆ng bi mguôp kjăp, mkŏ mjing kreh knhâo, rơ̆ng djŏ hdră kčah, hnơ̆ng jăk hdră leh anăn klei êđăp ênang êjai mă bruă.