Klei bi kƀĭn kñăm hưn mthâo klei găl mâo, hdră êlan mđĭ kyar kdrŭn ksĭ, logistics leh anăn iêo jak phung duh bi liê hdră êlan nao hgŭm mđĭ anôk bruă duh mkra êa ksĭ mơ̆ng čar. Lu phung thơ̆ng kơ bruă lač, hlăm wưng klei mkăp brei tar rŏng lăn dôk lŏ mkŏ mjing, Khánh Hoà čiăng mđĭ kyar hrăm mbĭt kdrŭn ksĭ, kdrŭn jưh leh anăn anôk bruă logistics čiăng mkŏ mjing wăl anôk logistics mrâo mrang, hrô kơ duh bi liê hjăn păn grăp hdră bruă.

Vân Phong srăng mâo bruă klam jing kdrŭn ksĭ phŭn leh anăn dŭ mdiăng lu ala čar; Cam Ranh mđĭ kyar logistics mdê hjăn; bi kdrŭn jưh srăng mkŏ hŏng mnơ̆ng dhơ̆ng mơ̆ng Lăn Dap Kngư leh anăn Dhŭng kwar Krah. Duh bi liê kdrŭn ksĭ leh anăn êa ksĭ djŏ guôp srăng đru bi hrŏ wưng dŭ mdiăng, bi hrŏ ênoh bi liê logistics kơ knơ̆ng bruă, mđĭ hĭn klei bi hgŭm krĭng leh anăn mkŏ mjing boh kdrŭt mđĭ kyar bruă duh mkra krĭng ksĭ.