Siămdah, bruă ruh mgaih anôk ala, mkŏ mkra anôk dôk mrâo pioh kơ bruă rŭ mkra ăt dôk jing klei dleh kpăk prŏng, hmăi amâo mâo jăk kơ klei duh bi liê, lehanăn kơ klei mđĭ kyar bruă duh mkra. Čiăng bi leh mta kñăm GRDP 6 mlan akŏ thŭn mâo klei đĭ kyar ƀiă êdi 9,1%, Khua knơ̆ng bruă sang čư̆ êa čar Khánh Hòa Nguyễn Việt Hùng mtă leh kơ dŭm knơ̆ng dhar bruă, alŭ wăl mđing ruh mgaih dŭm klei dleh dlan kơ phung duh mkra, pŏk mlar anôk čhĭ mnia, mtrŭt mđĭ bruă tuh tia, dưn yua jih hnơ̆ng sang bi êran pui kmlă, lehanăn mđĭ bi pral dŭm anôk bruă phŭn.

Čar ăt mđing kơ mnuih mă bruă, kơ bruă ruh mgaih anôk ala, kơ bruă mkŏ mkra anôk dôk mrâo, klei duh bi liê ngăn prăk, boh nik hlăm dŭm bruă êlan klông, bruă knơ̆ng lehanăn kơ dŭm alŭ wăl mkŏ mkra anôk ala mrâo./.