Mơ̆ng anăn, čar mtă kơ dŭm alŭ wăl, anôk bruă êpul êya pô duh bi liê bi leh jih jang bruă mkŏ mjing, bi mklă klei čuăl mkă wăl ƀuôn prŏng, krĭng ƀuôn sang, dŭm boh ƀuôn hgŭm bi leh klei čuăl mkă kluôm hlăm 3 mlan gưl 2 thŭn anei. Êpul bruă kiă kriê bruă rŭ mdơ̆ng mrô 1 mâo jao mkŏ mjing klei čuăl mkă kluôm hŏng 5 boh ƀuôn hgŭm mâo Xuân Hương – Đà Lạt, Lâm Viên – Đà Lạt, Xuân Trường – Đà Lạt, Cam Ly – Đà Lạt lehanăn Lang Biang – Đà Lạt, srăng bi leh hlăm mlan 8 tinăp. Mbĭt anăn, hlue ngă klei čuăl mkă kluôm hŏng 4 boh ƀuôn hgŭm hlăm alŭ wăl Bảo Lộc leh mâo klei bi tŭ ư mơ̆ng Êpul kiă kriê bruă Đảng čar.

Anôk bruă kiă kriê klei rŭ mdơ̆ng mrô 2 srăng čuăl mkă hlăm 6 boh ƀuôn hgŭm ti alŭ wăl Phan Thiết lehanăn dua boh ƀuôn hgŭm Phước Hội – La Gi, bi leh hlăm mlan 6 anei. Hŏng alŭ wăl hiu čhưn ênguê ênao Tuyền Lâm, mâo jao klei čuăl mkă truh thŭn 2050 leh wưng čuăl mkă mâo klei bi tŭ ư./.