Khua gĭt gai Đảng, Khua lăn čar mñă Việt Nam sa ai hŏng hdră mkŏ mkra, mđĭ kyar ala čar Campuchia; mñă klei bi mjĕ dua Đảng, dua ala čar Việt Nam – Campuchia lehanăn tlâo Đảng, tlâo ala čar Việt Nam – Campuchia – Lào jing ngăn dưn yuôm bhăn brei lŏ dơ̆ng kriê pioh, mđĭ lar. Khua gĭt gai Đảng, Khua lăn čar mtă brei mđĭ hĭn boh tŭ klei bhiăn bi hgŭm dôk mâo, boh nik dŭm klei bi tuôm gưl dlông mơ̆ng phung khua kiă kriê knŭk kna, lĭng kahan, kahan ksiêm lehanăn bruă hŏng tač êngao tlâo ala čar.

Bi mni kơ dŭm boh tŭ hdră bi trông plah wah Khua knŭk kna Hun Manet lehanăn Khua knŭk kna Lê Minh Hưng, Khua gĭt gai Đảng, Khua lăn čar bi êdah klei mơak anăp klei đĭ kyar kluôm mơ̆ng klei bi mjĕ dua nah, hŏng tur knơ̆ng đăo knang bruă kđi čar, bi hgŭm lĭng kahan, răng mgang kjăp klei êđăp ênang, bruă mnia mblei đĭ, hdră mjĕ mjuk êdam êra ƀrư̆ hruê ƀrư̆ jăk siam. Dua tĭng ăt mñă bruă klam phŭn mơ̆ng Đảng mbĭt anăn kah mbha hnơ̆ng trah dlăng kơ bruă mtrŭt mđĭ klei bi hgŭm hlăm hdră kreh knhâo, kdrăp mrâo lehanăn bi hgŭm mđĭ kyar hlăm wưng mrâo./.