Dua čô khua kiă kriê lač Việt Nam lehanăn Timor-Leste mâo lu klei găl čiăng pŏk mlar klei bi hgŭm kyua klei tŭ dưn kơ mnuih ƀuôn sang dua ala čar, lehanăn đru mguôp kơ klei êđăp ênang, mđĭ kyar kjăp hlăm alŭ wăl. Dua nah bi tŭ ư lŏ dơ̆ng bi kjăp bruă kđi čar, mđĭ hĭn klei bi mjĕ êrô gưl khua kiă kriê, ngă tŭ jing dŭm klei leh bi tŭ ư. Kơ klei duh mkra, dua ala čar srăng pral mâo dŭm klei kuôl kă, lehanăn hlue ngă klei bi mnia mblei êngiê dua nah, mbĭt anăn pŏk mlar klei hgŭm čhĭ mnia braih, boh mnga mkăn, kan hdang, mnơ̆ng čŭt hơô, bruă dăng kông, bruă bi mlih mrô, bruă nah gŭ…

Khua knŭk kna  Timor-Leste čang hmăng kơ Việt Nam lŏ dơ̆ng mkăp dŭm mta mnơ̆ng mâo klei găl hĭn boh nik jing braih, đru mkăp djăp mnơ̆ng ƀơ̆ng huă kơ ala čar anei. Dua nah lŏ hyuă kjăp hĭn klei bi hgŭm bruă lĭng kahan, bruă sang hră mơar, bruă mjuăt bi hriăm mnuih mă bruă, bruă dhar kreh, bruă hiu čhưn eneguê, mjuăt asei mlei lehanăn bi đru klei thâo hlăm bruă lŏ hma mđĭ kyar hŏng klei kjăp./.