Blŭ ti knăm anei, Khua anôk bruă kƀĭn ala Trần Thanh Mẫn mtă, bruă klei mrâo brei hâo hưn, mtô mblang êlam, tŭ dưn hĭn dŭm Hdră êlan mtrŭn mơ̆ng Đảng, hdră bhiăn mơ̆ng Knŭk kna, lar bra ai tiê mlih mrâo, mtrŭt mđĭ ai jih jang mnuih ƀuôn sang nao hgŭm hlăm hdră mđĭ kyar ala čar. Bruă klei mrâo brei jing êpul ba akŏ hlăm hdră răng mgang tur knơ̆ng mơ̆ng Đảng, bi kdơ̆ng hŏng klei mĭn soh čhuai, bi roh.

Ti anôk mâo klei hâo hưn bi kdơ̆ng – tinăn mâo bruă klei mrâo bi kdơ̆ng wĭt, ti anôk mâo klei hâo hưn soh čhuai – tinăn mâo bruă klei mrâo hưn mthâo klei sĭt; bi kjăp klei đăo knang. Đảng, Knŭk kna lehanăn mnuih ƀuôn sang đăo knang; bruă klei mrâo cách mạng Việt Nam lŏ dơ̆ng mđĭ lar klei thâo, mrâo mrang, yua giê čih pô hưn mthâo klei klă mngač mkăp ngă bruă mơ̆ng Ala čar, kơ mnuih ƀuôn sang. Êpul hgŭm bruă klei mrâo ala čar jao leh 11 klei pah mni mta A, 26 klei pah mni mta B, 50 klei pah mni mta C. Sang mđung asăp blŭ Việt Nam mâo 2 klei pah mni mta A./.