Khua Bruă Kbĭn ala: Grăp mta bruă knŏng mâo sa anôk gĭt gai leh anăn đua klam truh knhal tuč
Thứ năm, 09:56, 12/11/2026
VOV Tây Nguyên
VOV Tây Nguyên
VOV.Êđê-Tlam mmăt 11/11, ti gŭ klei gĭt gai mơ̆ng Khua bruă kƀĭn ala Trần Thanh Mẫn, Dhar bruă gĭt gai bruă kƀĭn ala lŏ dơ̆ng Klei bi kƀĭn tal 8 brei klei blŭ mguôp kơ Hdră mtrŭn mkra mlih, thiăm mbŏ dŭm mta mơ̆ng Hdră mtrŭn kơ bruă klam, klei dưi leh anăn hdră mkŏ mjing mơ̆ng Êpul gơ̆ng bruă djuê ana, dŭm Dhar bruă mơ̆ng Bruă kƀĭn ala; brei klei blŭ mguôp hlak mblang, tŭ mă, mkra mlih kơ hră čih Hdră bhiăn hluê ngă klei êngiê hlăm bruă sang čư̆ êa alŭ wăl (mkra mlih).
Khua bruă kƀĭn ala lač klă klei mĭn nanao jing: bruă klam jing phŭn, anôk bruă leh anăn ênoh mnuih mă bruă jing boh tŭ dưn. Amâo mâo mă ôh klei čiăng kơ ênoh mnuih mă bruă amâodah klei čiăng lŏ mbŏ mnuih mă bruă pioh ngă tur knơ̆ng mkra mlih, bi mlih bruă klam plah wah dŭm anôk bruă.
Grăp mta bruă knŏng mâo sa anôk bruă gĭt gai leh anăn đua klam truh kơ jih, amâo mâo mđĭ mđăl, amâo mâo lui kƀah bruă klam. Ti anôk bi kƀĭn anei, Dhar bruă gĭt gai bruă kƀĭn ala bi tŭ ư leh Hdră mtrŭn mrô 71 kơ bruă klam, bruă ngă, klei dưi leh anăn hdră mkŏ mjing mơ̆ng Êpul gơ̆ng bruă djuê ana, dŭm Dhar bruă mơ̆ng Bruă kƀĭn ala.
Viết bình luận