Tlam mmăt mbruê (10/11), ti gŭ klei gĭt gai mơ̆ng Khua Bruă kƀĭn ala Trần Thanh Mẫn, Dhar bruă Bruă kƀĭn ala lŏ dơ̆ng bi kƀĭn gưl 2, Klei  bi kƀĭn tal 8 brei klei blŭ kơ klei hlak mblang, tŭ mă, mkra mlih hŏng êpul 3hră čih: Hdră bhiăn Bi lông blei ngăn drăp (mkra mlih), Hdră bhiăn mkra mlih, mbŏ dŭm mta mơ̆ng Hdră bhiăn Pui kmlă, Hdră bhiăn mkra mlih, mbŏ dŭm mta mơ̆ng Hdră bhiăn Duh  bi liê bruă mkra mlih anôk lăn bruă knŭk kna plah wah ƀuôn prŏng Hà Nội leh anăn čar Phú Thọ. 

Brei klei blŭ kơ êpul 3 hră čih: Hdră bhiăn Bi lông blei ngăn drăp (mkra mlih); Hdră bhiăn mkra mlih, mbŏ dŭm mta mơ̆ng Hdră bhiăn Pui kmlă; Hdră bhiăn mkra mlih, mbŏ dŭm mta mơ̆̆ng Hdră bhiăn Duh bi liê Khua Bruă kƀĭn ala Trần Thanh Mẫn mñă klă, klei kñăm knhal tuč tơdah Bruă kƀĭn ala bi mklă, hưn mdah tŭ mă, hlak mblang brei bi leh. Mñă klă, jih tlâo hră čih Hdră bhiăn yuôm bhăn snăk, Khua Bruă kƀĭn ala Trần Thanh Mẫn mđing amâo brei klei amâo jăk, klei tŭ dưn êpul mŭt hlăm dŭm Hdră bhiăn anei, amâo kyua klei tŭ hjăn kơ hlei pô, êpul bruă ôh ƀiădah bruă mkra mlih anei jing kyua klei đĭ kyar mơ̆ng lăn čar.